mero sathi tv

को हुन् यी भाईरल भईरहेका “किसिङ बाबा” ?

केही दिनपहिले सोसल मिडियाका भारतीय प्रयोगकर्ताहरूमाझ एक बाबाले एउटी युवतीसँग चुम्बन गरिरहेको तस्बिर भाइरल भयो, जसमा हाइवेमा बाबा र युवती देखिन्छन् । उक्त तस्बिर भाइरल भएपछि तस्बिरमा देखिएकी युवतीले प्रहरी समक्ष छिमेकी युवाविरुद्ध उजुरी हालेकी थिइन् । आफ्नो उजुरीमा उनले ती युवाले आफ्नो बदनामी गर्न खोजिरहेको आरोप लगाएकी छिन् ।

 

सोसल मिडियामा बाबाको नाम हरमेल दास बताइएको छ । यी बाबाले हरिद्वारको सप्तऋषि इलाकामा रहेको हरिहर आश्रममा निकै समय व्यतीत गरेका थिए । सोसल मिडियामा तस्बिर भाइरल भएपछि दिल्लीस्थित आश्रमबाट बाबा हरमेल दासलाई निष्कासन गरिएको छ । भारतीय मिडियाहरूकाअनुसार आश्रमको बदनामी हुने डरले उनलाई निष्कासन गरिएको हो ।

सामाजिक सञ्जालमा युवतीले भारतीय प्रहरी समक्ष गरेको उजुरीको कपी पनि भाइरल भएको छ, जसमा युवतीले आफ्नो ठेगाना नयाँदिल्ली लेखेकी छिन् । रिपोर्टहरूका अनुसार युवतीले हौज काजी पुलिस थानाको अपराध शाखामा ३० अगष्टमा उजुरी हालेकी हुन् । उनले आफ्नो उजुरीमा गलत तस्बिर राखेर आफ्नो बदनामी गरिएको दाबी गरेकी छिन् । यता बाबाले भने आफूलाई फसाउन कसैले षड्यन्त्र गरेको दाबी गरेका छन्, तर युवतीले आफूले बाबालाई चिन्ने कुरा भने स्वीकार गरेको बताइएको छ

Leave A Reply

Your email address will not be published.