mero sathi tv

‘छक्का पञ्जा २’ टिमलाई चुनौती दिदै ऋचाले फेसबुक बाटै दिइन् गतिलो जवाफ

एतिबेला ऋचा सुन्केसरी शर्मा सामाजिक संजालमा निकै भाईरल भएका छन् । ‘छक्का पञ्जा २’का निर्माता निर्देशक दिपकराज गिरी र दीपाश्री निरौलादेखि कलाकारहरु सम्मले ऋचा शर्मालाई लक्षीत गरि फेसबुकमा ‘गेट वेल सुन’ लेखेपछि सामाजिक सञ्जालमा चर्को बहस सुरु भएको छ। पक्ष विपक्षमा फिल्मकर्मी तथा सञ्चारकर्मी अनि फ्यानहरु विभाजित छन्।

यो बीचमा ‘छक्का पञ्जा २’ टिमलाई अभिनेत्री ऋचाले स्पष्टिकरण सहितको जवाफ फर्काएकी छिन्। रेखा थापादेखि केकी अधिकारीसम्मलाई ट्याग गर्दै उनले स्टाटस लेखेकी छिन्। फेसबुकमा पोस्ट गरेको स्टाटसमा ऋचाले आफु एक कलाकार, निर्माता तथा दर्शक भएको कारण दर्शकलाई मुर्ख भन्ने अधिकार नभएको भन्दै तर आफुले दर्शकको रुपमा भने बिचार व्यक्त पाउने अभिव्यक्ती दिएकी छिन्।  

फिल्ममा होस् या अन्य कहिँकतै महिला हिंसाको विषयमा हाँसो उठ्ने कारण बनाइन्छ भने त्यसमा आफ्नो बिचार राख्न किन्चित नडगमगाउने भन्दै ऋचाले यस्तो हुँदा चाहे संसारले नै आफुलाई बिरामी सावित गरोस् भनेर चुनौती दिएकी छिन्। फिल्ममा आफुलाई मन लागेको देखाउन पाइने भएपनि त्यसमा आउने धारणालाई मेकरले पचाउन सक्नुपर्ने उनको तर्क छ। – हेर्नुहोस् ऋचाको एस्तो छ फेसबुक स्ट्याटस:

  म एक कलाकार,निर्माता र दर्शक भएको कारणले दर्शकलाई मुर्ख भन्ने अधिकार नै छैन तर म पनि एक दर्शकका रुपमा बिचार दिन पाउँछु । दर्शकले हामीलाई बनाएको हो र हामी दर्शकलाई भगवान् मान्छौ ।मैले कुनै पनि चलचित्र हेर्ने दर्शक मूर्ख हुन् भनेर कहिल्यै बोलेकी छैन तर जिन्दगीको कुनै पनि मोडमा होस् वा चलचित्रमा महिला हिसाको विषयलाई हास्ने कारण बनाइन्छ भने म त्यस विषयमा आफ्नो बिचार राख्न किन्चित डगमगाउने छैन चाहे संसारले नै मलाई बिरामी सावित गरोस्। सिनेमामा आफूलाई मन लागेको देखाउँन पाइन्छ तर त्यसप्रति बिभिन्न धारणा आउँछन्, तर मेकरले त्यसलाई पचाउँन सक्नुपर्छ । कलाका हरेक क्षेत्रमा सर्जकहरु आफ्नो सृजनामा यति तल्लिन भएर लागेका हुन्छन् कि उनीहरु एउटा गिलासभित्र हुन्छन् । दर्शकहरु नै हुन्, जस्ले त्यो गिलासलाई बाहिरबाट हेरेर अनेक तर्क गर्छन् । असल कलाकार तिनै हुन्, कहिलेकाही दर्शकका तर्कलाई पनि आत्मसात गर्छन् ।
म कलाकार हुँ, दर्शक हुँ तर सबैभन्दा म एक महिला हुँ । फिल्ममा एक महिलालाई तारन्तार थप्पड हानेको दृश्यमा मैले ताली बजाउँन सकिनँ भनेकी हुँ । किनभने, अहिलेको समयमा बिहेकै लोभमा कुनै महिलाले यति धेरै थप्पड खाँदैनन् । यदि महिला हिँसामाथि बनेको फिल्म भए, ठिकै थियो । तर, यो त कमेडी सिनेमा हो । र, यहि कुरा मैले एकादेश फिल्म फेस्टिभलमा चलचित्रमा महिलाको भूमिका शिर्षकको अन्र्तक्रियामा दर्शकले सोधेको प्रश्नमा यो कुरा बोलेकी थिएँ । र, मैले बोल्दा त्यो सिनेमा हेरेर ताली बजाउँने दर्शक मूर्ख हुन् पनि भनेकी थिइनँ । तपाईहरु भिडियो पनि हेर्न सक्नुहुन्छ। सार्वजनिक भएको भिडियोमा मैले दर्शकलाई मुर्ख भनेको कतै सुनिन्छ भने दर्शकले नै मलाई प्रश्न गरुन्।मैले त आफूलाई लागेको कुरा बोलेकी थिएँ ।
र, आफूलाई चित्त नबुझेको कुरा बोल्न पाउँनु मेरो अधिकार पनि हो ।
सर्जक सधैँ महान हुँदैन । अहिले त झन् चलचित्रको कुनै दृश्यमा कुनै समुदायको चित्त दुख्यो भने सच्चाउँने चलन छ । टेलिभिजनका हरेक प्रोगाममा कुनै समुदायलाई चित्त दुखे भन्नुहोला भन्ने म्यासेज पनि आइरहन्छ।
फिल्म मेकरले यस्ता कुरामा ध्यान पुर्याउँनु पर्छ ।
र, कहिलेकाही आफूलाई सच्चाउँनु पनि पर्छ । सच्चिनु आफ्नो कद सानो बनाउँनु होइन । भूँइ र समयसित नजोडिएको मेकर जति नै अग्लो भएपनि, उस्को जग बलियो हुँदैन । म मा पनि धेरै कमजोरी छन् र म सुन्छु,आफ्नो कमजोरी अङाल्छु, सच्चाउछु, अनि राम्रो बन्ने प्रयास जीवनभर गरिरह्न्छु।
धन्यबाद । Keki Adhikari Nisha Adhikari Malla Rekha Thapa Arpan Thapaa Prach Shrestha Rabindra Singh Baniya Buddhi Sagar Tsering Rhitar Sherpa Utsav Rasaili Samipya Timalsena Manoj Shrestha Bishal Bhandari Smriti Dhungana

Leave A Reply

Your email address will not be published.