Loading...
Home / समाचार / तातो चिया पिउनेहरूलाई क्यान्सरको खतरा हुने नयाँ अनुसन्धानको निष्कर्ष

तातो चिया पिउनेहरूलाई क्यान्सरको खतरा हुने नयाँ अनुसन्धानको निष्कर्ष 0

चिया तात्तातै पिउनुपर्छ भन्ने आम धारणा छ । जाडोमा त झन् चुरोटसँग तातो चियाको चुस्की लिनेहरुको संख्या अधिक हुन्छ । तर अब चुरोट र रक्सि खानेहरुले तातो चिया पिउने बानी त्याग्नुपर्ने देखिएको छ ।

रक्सि र चुरोट खानेहरुले धेरै तातो चिया पिउँदा अन्ननलीको क्यान्सर हुने खतरा बढ्ने एक अध्ययनले देखाएको छ । यद्यपि चुरोट र रक्सि नखाने चियाका पारखीहरुले भने यसमा चिन्ता लिनुपर्दैैन ।

 

बेइजिङस्थित पेकिङ विश्वविद्यालयका प्रोफेसरले सीएनएनसँग भनेका छन्, ‘धुमपान र मद्यपान सेवन गर्नेहरुमा तातो चिया पिउँदा अन्ननली क्यान्सरको जोखिम बढी हुन्छ ।’

विश्व स्वास्थ्य संगठनको क्यान्सर अनुसन्धान शाखाका अनुसार अन्ननलीको क्यान्सरबाट हरेक वर्ष लगभग ४ लाख मानिसको मृत्यु हुने गरेको छ ।

अध्ययनका लागि शोधकर्ताहरुले चीनमा ३० देखि ७९ वर्षका ४ लाख ५६ हजार १५५ जनामा १० वर्षसम्म अध्ययन गरेका थिए ।

अध्ययनमा जसले एकदम तातो चिया पिउँछ, अत्यधिक मदिरा पिउँछ र चुरोट पिउँछ ति तीनमध्ये कोहि पनि व्यक्तिहरुको तुलनामा अन्ननलीको क्यान्सरको जोखिम पाँच गुणाभन्दा बढी हुन्छ ।

धुमपान र मद्यपान दुबै अन्ननली क्यान्सरका कारक हुन् । अध्ययनकर्ताले तातो चिया, मदिरा र धुमपानबीच अन्ननली क्यान्सरको जोखिममा अन्तरसम्वन्ध रहेको पत्ता लगाएका छन् ।

Share

Leave a Reply

Your email address will not be published. Required fields are marked *

Theme developed by TouchSize - Premium WordPress Themes and Websites