Loading...
Home / समाचार / इराकः सामुहिक चिहानमा ४ सय शव भेटियो

इराकः सामुहिक चिहानमा ४ सय शव भेटियो 0

इराकी शहर हबिजा नजिकै ४ सय जनाको सामुहिक चिहान फेला परेको छ । सन् २०१३ देखि सम्म इस्लामिक स्टेट (आईएस) लडाकुको नियन्त्रणमा रहेको हबिजा शहर गत महिना इराकी सेनाले फिर्ता गराएको थियो ।

किर्कुक शहरका गभर्नर रकान सइदले बीबीसीलाई भनेका छन्, ‘शहरको बाहिर हवाइ आधार क्षेत्रमा सामुहिक चिहान फेला परेको हो । हबिजा मानिस मार्ने ठाउँ बनेको रहेछ ।’

प्रत्यक्षदर्शी एक स्थानीयबासीले देखाइदिएपछि इराकी सेनाले सामुहिक चिहान फेला पारेको समाचारमा उल्लेख छ ।

सामुहिक चिहानमा केही शव सर्वसाधारणको सामान्य कपडा लगाएको अवस्थामा र केही शव आईएसले मृत्युदण्ड दिँदा लगाइदिने कपडा (जम्पसुट)मा छन् ।

इराकी सेनाले आईएस लडाकु नियन्त्रित क्षेत्रमा दर्जनौं सामूहिक चिहान फेला पारिसकेको छ ।

गत वर्ष एसोसियटेड प्रेस (एपी)ले गरेको सर्भेमा ७२ वटा सामुहिक चिहान फेला परेको थियो । ती चिहानभित्र ५ हजार २ सयदेखि १५ हजार वटासम्म शव हुनसक्ने अनुमान गरिएको थियो ।

Share

Leave a Reply

Your email address will not be published. Required fields are marked *

Theme developed by TouchSize - Premium WordPress Themes and Websites