नेपालगन्जमा शिक्षकले पेन्सिल तिखार्न नजानेको भन्दै बच्चीमाथि निर्घात कुटपीट गरेपछि, बच्चीको…

नेपालगन्जमा शिक्षकले पेन्सिल तिखार्न नजानेको भन्दै बच्चीमाथि निर्घात कुटपीट गरेपछि, बच्चीको…

नौ बर्षीया बालिकालाई शिक्षकले पिट्दै भित्तामा ठोक्काईदिए पछि घाइते भएकी छन् । नेपालगन्ज–१७ ज्ञानसागर मावि परसपुरकी कक्षा दुईमा पढ्ने नौ वर्षिया सविना वेहेना कुटाईमा परेकी हुन् । उनलाई पेन्सिलको टुप्पो तिखार्न नसेको भन्दै शिक्षक कृष्ण मुरारी सिंहले निर्घात कुटपीट गरेको आरोप छ । दुइतीन पटकसम्म प्रयास गर्दा बेहेनाले पेन्सिल तिखार्न नसके पछि अबोध बालिकालाई गालामा चड्कन हान्नुका साथै विद्यालयको भित्तामा टाउको ठोक्याएको आरोप छ । पीडित बालिका सविनाले भनिन–‘‘कक्षामा पढाउनको लागि सर आउनुभएको थियो, मलाई कापीमा लेख्न भन्नुभयो । म पेन्सील तिखार्दै थिए, धेरैपटक भाँचियो, सरले यति नसक्ने भन्दै मलाई चार–पाँच पटक हातले गालमा हान्नुभयो, म रोए तर, सरले रोएको भन्दै झन् रिसाएर मेरो घाँटीमा समात्नुभयो, र भित्तामा ठोक्काउनुभयो ।’ शिक्षक सिंहको पीटाइबाट बालिकाको गाला सुनिएको छ भने टाउकोमा चोट देखिएको छ । छोरीले पीटाई खाएपछि रुदैं घरमा सिकायत गर्न आएको उनका बुवा मुनिर बेहेनाले बताए । ‘पढ्न पठाएकि छोरी विद्यालयबाट नै रुदैं घर फर्किइन्’ । पीडित बालिकालाई नजिकको मेडिकलमा उपचार गरी विश्रामका लागि घरमा राखिएको छ । पीडितका बुवा मनिरले उक्त विद्यालयमा सँधै बाललिकालाई कुटपीट गर्नुका साथै हप्काएर नै पढाइने गरेकाले शिक्षकलाई आवश्यक कारबाही गराउन माग गरेका छन् ।

Leave a Reply

Your email address will not be published. Required fields are marked *